國慶前夕的一夜，亞輝家裡好不熱鬧，原來這一家人提早做節。雖然月未圓，但人總算是團圓。不過，雖然連國慶也未到，家裡已彌漫著歡天喜地的氣氛，像是在慶祝甚麼似的。
(F=亞輝 L=露露 S=Stehen C= Cathy)
F: 嘩爸爸媽媽你地睇下個通告！原來今日係大日子呀！
L: 乜大日子咁巴閉呀，又未到國慶，況且國慶都唔係乜大日子啦！
F: Hehe~今日係我亞輝出場既一年半紀念呀！
S: 下？乜咁奇怪架？一年果陣又無聲氣，無啦啦一年半咁唔湯唔水既日子先黎紀念。
L: 車！咁法例又無規定每足一年先慶祝得架喎，佢鍾意就邊日慶祝都得架啦！
S: ......我真係唔夠妳講。
L: 呵呵當然啦，因為我太冰雪聰明嬌俏可人美若天仙口齒聆俐喇！你邊係我對手？
S: ......
L: 不過話時話，呢個故事寫左一年半有乜咁值得慶祝？呢d廢野都無人睇既！
F: Er......我諗係個作家想搵d野黎開心下o者。
L: 你叫佢做作家？
F: 唔係架咩？乜唔係寫野d人都叫作家既咩？
L: 唔係下話，寫埋d咁既廢野都叫作家，咁全世界識寫字既人都係作家啦！
F: Er......咁事事但但啦，都係稱呼一個o者......
S: 喂亞仔，張通告度夾住張野喎，乜黎架？
F: Or......係封讀者來信黎架！
L: 唔係下話，連讀者都唔知有無，點會無啦啦有讀者來信架。我話九成係寫果條友自己作黎自我安慰，好似d OL 情人節果陣自己訂花送去 office 俾自己咁。
F: 唔知呢！當係真既先啦。
S: 咁封來信講乜架？
F: 佢果度話點解你會寫到咁多故仔喎......
L: 呢d咁naive既問題都問？好明顯係寫果條友個腦裝左太多廢野，得閒要掉咁d走啦！
F: 佢仲想問我亞輝呢個角色係咪寫緊作者佢自己喎......
L: 唔係下話，你咁七，溝女又淆底，個作者係個英俊瀟灑溫文爾雅談吐大方舉止斯文學富五車才貌相全朝秦暮楚既花心蘿蔔黎架喎，請問亞仔你邊忽似佢？
F: ......媽媽妳俾下面好喎！
L: 車~我一向都唔理人感受架啦！
S: Hey~不如轉個話題啦~~你地話呢個故事仲有幾多個一年半可以慶祝丫拿？
L: 唔知呀，不過幾多年都無相干啦，呢d無聊野慶祝黎咪好似國慶大巡遊同放煙花咁！
F: 咁係咪即是佢唔寫喇？
L: 唔知架，你知果條友幾飄忽架啦，反正都無人睇，寫唔寫都一樣啦，咁慶祝暨關門儀式一齊搞都幾好丫，夠慳水慳力嘛！
Chatboard (0)